10:47:45 Болалик орзуларга эргашиб............ | |
 Болалигим бошқаларникидан фарқ қилмаган. Оддий мактабда ўқидим, кейин институтда. Фақат болалигимдан хонанда бўлишни орзу қилганман холос. Артист бўлишимга Россия эстрада саҳнасида Наташа Королёванинг пайдо бўлиши кучли туртки бўлган. Илк якка чиқишим биринчи синфда юз берган, мактаб байрамларидан бирида мен «Жёлтые тюльпаны» («Сариқ лолалар») қўшиғини куйлаганман. Кучли ҳаяжон босганидан иккинчи куплетдаги сўзларни унутиб қўйиб, ўзимча «ла-ла-ла» деб импровизация қила бошладим. Ноқулай вазиятдан чиққанимдан кейин менга қарсак чалишди. Ўша пайтда менга кўп одамлар қараб жилмаяётганини кўрганимдан кейин барибир қўшиқчи бўлишимни узил-кесил тушундим! Мусиқага қизиқишимни кўрган ота-онам мени мусиқа мактабига ўқишга беришди. Мактабни тугатганимдан кейин албатта консерваторияга киришни истардим. Аммо бу ишга дадам аралашди ва «Йўқ, уйимизда ҳеч қандай шоу-бизнес хоними бўлмайди!», деди. Ўша пайтда у юридик институтга кириб ўқишимни жуда истарди. Бу менинг ҳам «Мен»имни қўзғатиб юборди, шунда мен, агар мен хоҳлаган нарса бўлмаса, унда уйимизга яқин бўлган институтга ўқишга кираман, дедим. Шундай қилиб Жаҳон тиллари университетига кирдим, ўқидим, аммо болаликдаги орзуим мени бир дақиқагаям тарк этгани йўқ... Прикрепления: Rasm 1 | |
| Категория: Sayt yangiliklari | Просмотров: 482 | | |