18:00:41 Энг сўнгги ҳинд фильмлари | |
| Қуйида Ҳиндистон киноижодкорлари томонидан яратилган энг сўнгги фильмлар ҳақида қисқача билиб олишингиз мумкин… «ТЕНТАК БИЛАН КЕЧКИ ОВҚАТ 2» Бош қаҳрамонлардан бири Бхарат Бхушан (Винай Патак) ўзининг азалий ва абадий орзуларидан бири — хонандаликка етишишга қарор қилади. У ўз иқтидорига ишонган ҳолда оммалашган мусиқий кўрсатувларнинг бирида қатнашади. Мақсади, яккахон ижро бўйича танилиб, кўрсатув ижодкорлари ёрдамида ўзининг биринчи қўшиқлар тўпламини сотувга чиқариш эди. Шу тариқа, фильм қаҳрамони ўз орзусига эришади. Унга юқоридаги имкониятларга қўшимча сифатида денгиз саёҳати учун чипта ҳам совға қилишади. У айнан мана шу саёҳат давомида ишбилармон магнат Тэлвара Аджита (Кай Кай Менон) билан танишиб қолади. Фильмнинг энг қизиқарли ва кутилмаган воқеалари ҳам мана шу учрашувдан кейин содир бўлади… Ролларда: Адити Говитрикар, Амол Гуптэ, Винай Патак, Вирендра Саксена, Кай Кай Менон, Миниша Ламба, Рахул Вохра, Рахул Синх, Суреш Менон... «АЖАБЛАНАРЛИ СЕВГИ» Бизнинг улкан дунёмизда шунақанги ажабтовур воқеалар бўладики, уни фан ривожи ҳам изоҳлаб, тушунтириб беришга ожиз. Шундай воқеани ўзида жамлаган «Ажабланарли севги» ҳам ўзбек томошабинлари назаридан четда қолмайди, деган умиддамиз. Фильм ёш фотограф Кабир ҳақида. Бу йигит шу кунгача ҳеч ким ҳеч қачон ўз кўзи билан кўрмаган нарсаларни кўрсатиш ҳаракатида юради. Бу йўлдан уни ҳеч нарса тўхтатиб қололмас эди. Аммо ҳар гал шу нарсага эришиш учун бир ишга қўл урганида, Женнифер исмли қизнинг ёнидан ўтиб кета олмасди. Кабирга ҳеч нарса тўсқинлик қила олмаса-да, бу қиздан воз кеча олмас эди. Кино давомида кучли қонунбузарлик ва жиноятлар бўлади, буларнинг барида фақат Кабир ва Женниферни айблашади, уларга қарши гувоҳлик беришади. Улар ўзининг бегуноҳ эканлигини исботлаш учун оғир кунларга тушишади. Ролларда: Ашутош Рана, Гунджан Бакши, Милинд Гунаджи, Радж Зутши, Рийя Сен, Снехал Даби, Эдди Сетх, Эхзан Кхан, Яшпал Шарма... «ҲАЁТ ЗЕРИКАРЛИ БЎЛИШИ МУМКИН ЭМАС!» Уч нафар ёшлар таътил баҳона ҳаётларига катта ўзгаришларни олиб келган дунё саёҳатига чиқишади. Кабир (Абхай Деол) Наташа исмли қиз билан танишиб, олти ойдан кейин унаштирув тўйини қилишади. Кабир тўй олдидан дўстлари билан кичик бир саёҳатга чиқишни таклиф қилади. Биргина муаммо бўлиб, у ҳам бўлса Аржун исмли дўсти билан боғлиқ эди. Аммо дўстларининг тинимсиз қистови уни ҳам саёҳатга бормаслик фикридан қайтаради. Бу саёҳат уларнинг коллежда ўқиган даврларидан орзуга айланган экан. Кабир, Имран ва Аржун Барселонада учрашиб, сайёҳатнинг асосий қисмини бошлашлари керак эди, аммо… Уларга нима тўсқинлик қилади, йиллар давомидаги орзулар амалга ошиши нималарга олиб келди? Буларнинг бари энг кульминацион даражада кўрсатиб берилган. Ролларда: Абхай Деол, Ариадна Каброл, Калки Коечлин, Катрина Каиф, Насеруддин Шах, Ритик Рошан, Фархан Ахтар, «СЕВИШИШНИНГ ЯКУНИ» «Севгининг якуни» фильмининг бош қаҳрамонларидан бири — Рея қалби тоза, барчанинг кўнглини олувчи қиз бўлган. У жуда бой ва коллеждаги талабалар орасида энг ёқимтой йигит бўлган Луво Нанд билан севишар эди. Қиз 18 ёшга тўлиши билан улар муҳаббатнинг навбатдаги жиддий босқичига ўтишни режалаштиришган эди. Аммо Луво Нанднинг ўзи ўйлаганчалик яхши йигит эмаслигини билган Рея режалаштирган барча ишларини қолдиришга қарор қилади. Рея ўз ҳаётида жиддий ўзгаришларни амалга оширишни ўйлаб қўйган ва бу ишни энг яқин дугонаси ёрдамида амалга оширади. Ролларда: Али Зафар, Джаннат Зубаир Рахмани, Тааха Шах, Шеназ Треасуривала, Шрадха Капур... | |
| Категория: Shou-Biznes | Просмотров: 476 | | |