08:15:18 Одил Ахмедовга "Арсенал"нинг кизикиши канчалик хакикат? | |
| Одил Аҳмедовга "Арсенал"нинг қизиқиши қанчалик ҳақиқат? Йил бошида Қатар майдонларида ўтказилган Осиё чемпионатида Ўзбекистон ярим финалга қадар етиб борганидан сўнг, терма жамоамизга ва унинг футболчиларига бўлган қизиқиш ошиб кетди. Темур Кападзе, ва Гейнрихлар Корея К лигасига йўл олдилар. Сардоримиз Сервер Жепаров "Сеул” билан тўлақонли шартномага эга бўлди. Ҳимоячи Шавкат Муллажонов эса чемпионат тугаши биланоқ "Ал Аҳли” клуби билан бир келишувга эришиб, фаолиятини Қатарда давом эттира бошлади. Шу билан бирга терма жамоамизнинг энг ишонган футболчиларидан бири Одил Аҳмедов ҳам чет эл клубига ўтиб йўл олди. У Махачқалъанинг "Анжи” клуби футболчисига айланди. У "Анжи”га бориб қўшилишидан бир неча кун олдин Ўзбекистон футбол федерациясида ўтказилган матбуот анжуманида Мираброр Усмонов Аҳмедовнинг легионерга айланаётганини ҳаммадан биринчи бўлиб эълон қилганди. У бу ҳақида шундай деганди: "Қайси клублигини айтмайман-ку, лекин Одил Аҳмедов катта пул эвазига рус клубларидан бирига ўтди”. Аҳмедовнинг Россияга йўл олаётганини биринчи бўлиб "Пахтакор” клуби эмас, айнан федерация президенти Мираброр Зуфарович маълум қилганди. Бугун яна бир матбуот анжумани ўтказилди ва Усмонов томонидан Аҳмедовга доир яна бир янгилик ошкор қилинди. Бу терма жамоамиз ярим ҳимоячисига Англиянинг "Арсенал” клубининг қизиқаётгани. Гап Одилнинг "Арсенал”га ўтиши қанчалик ҳақиқатлигида эмас, балки қизиқиш борлигининг қанчалик ҳақиқат эканлигида. Федерациямиз президенти аввалги сафар айтган гаплари тез орда ўз тасдиғини топди ва "Пахтакор” сардори "Анжи” футболчисига айланди. Бундан ўундай хулоса келиб чиқадики, Мираброр Усмонов томонидан айтилган Одил Аҳмедовга "Арсенал” томонидан қизиқиш бўлаётгани ҳам айни ҳақиқат! Футболчи ҳозирда "Анжи” клубида ижара асосида тўп сурмоқда. Унинг ҳуқуқлари "Пахтакор”га тегишли. Агар "Арсенал”дан аниқ таклиф келиб тушадиган бўлса, Тошкент клуби ўйинчисининг дунёнинг энг кучли чемпионати дея эътироф этиладиган Англия премьер лигасига йўл олишига қаршилик қилмаса керак. Ҳамма гап Одилнинг ўзида қолган. У махачқалъаликлар таркибида ўзини қай даражада кўрсата олса Лондон клубига ўтиши ҳам тез орада амалга ошиши мумкин. Бу йўлда биз Одил Аҳмедовга фақат ва фақат омадлар тилаб қоламиз. Унинг АПЛда тўп сурадиган биринчи ўзбек футболчиси бўлишига тилакдошмиз. Прикрепления: Rasm 1 | |
| Категория: Sport olami | Просмотров: 459 | | |