05:17:05 Шоу-бизнес янгиликлари | |
| Ўша машҳур "Жульетта” яна турмушга чиқяпти?.. Узоқ танаффусдан сўнг "Қора кўз” фильми орқали кинога қайтган Зарина Низомиддинова турмушга чиқаётганмиш... Зарина Низомиддинова: — Бу ўз номи билан миш-миш (кулади). Ҳозирги вақтда шахдам қадамлар билан ижодга қайтдим. Айни дамда карьерадан бошқа ташвишни ўйлаш ниятидан йироқман. Тўғриси, бир марта оғзим куйган, шу боис бироз шошмасликка қарор қилдим. "Клиплари қўшиқларига мос эмас” Ҳадия Абдуллаева, Тошкент: — Хонанда Гули Асалхўжаеванинг ижодини кузатиб бораман. Назаримда, ўзига мос йўналишни танлай олмай, иккиланишда юрган ижодкорга ўхшайди. Мусиқий каналларда айланаётган қўшиғига ишланган клип ҳам бир-бирига уйғун эмас. У қўшиққа "ection” жанрининг нима алоқаси бор?! Гули Асалхўжаева: — Бир хил қолипда қотиб қолмаслик учун янгилик қилишни истагандим. Бундай йўналишда ҳали ҳеч ким клип ишламаган. Унинг ёшларбоп бўлишига ҳам урғу бергандим. Назаримда ёмон чиқмаган. Мухлисамизга бу клип ёқмаган бўлса, балки энди тақдим қиладиган миллий йўналишдаги "Адрас” номли қўшиғим ва клип манзур келар. Янги ҳаёт остонасида турган қизларимизга атаб "Қизгина” номли қўшиқ ҳам тайёрлаганман. Унга ҳам ажийоб клип суратга олишни режалаштирганман. Бу сафар уддалай олармикан?! Хонанда Жамшид Абдуазимов янги фильмда бош ролда намоён бўлади... Хонанданинг кинодаги илк роли муваффаққиятли якун топмаганди. Шунга қарамай, у ўзини яна кинода синаб кўряпти. Одил Махаматов режиссёрлигида суратга олинаётган миллий комедия жанридаги "Борингга шукр” фильмида Жамшид Абдуазимов билан биргаликда хонандалар Ситора Фармонова ҳамда Канизани ҳам кўришингиз мумкин. Хонанда фақатгина суратга олиш ишлари билан ўралашиб қолгани йўқ. У янги тароналар ҳам ҳозирлаяпти. "Дилфузам” номли маҳзун тарона шу жумладан. | |
| Категория: Shou-Biznes | Просмотров: 710 | | |